REUNION GENERAL
RELATO ANUAL DI AÑA 2023
Nos próksimo Reunion General ta tuma lugá dia 30 di yüni 2024. Punto di agènda prinsipal dje reunion akí ta tratamentu di Relato Anual 2023.
- E Reunion General Anual akí ta yamá konforme artíkulo 15 insiso 3, 7 i 12 di Statutonan di ACU.
- A distribuí e nótulonan dje reunionnan anterior i tambe e “Highlights” dje Relato Finansiero di 2023 via e-mail for di dia 17 di yüni 2024. Tambe sosionan por pasa buska esakinan na ofisina di ACU despues di a hasi petishon via info@acu.cw òf telefónikamente na 434-7100. E Relato Finansiero kompleto di aña 2023 ta disponibel ‘ter inzage’ dia 27 di yüni 2023 pa medio di sita, na edifisio di ACU na Bargestraat 53-55, Skalo.
- Riba djaluna, 24 di yüni 2024 lo tin un ‘zoommeeting’ riba punto di agènda #3 (nótulo) i riba djaweps, 27 di yüni 2024 lo tin un ‘zoommeeting’ riba punto di agènda #4 (Relato Anual) pa duna sosionan amplio oportunidat pa hasi pregunta. Tur dos ‘zoommeeting’ lo tuma lugá di 6:30 p.m. pa 8:30 p.m.
- Registrashon ta obligatorio pa por brinda sosionan e servisio apropiá. Por registrá p’e Reunion General te ku djabièrnè 28 di yüni 2024 12:00 di mèrdia, via di www.acu.cw òf na number di telefòn 434-7100. Una bes ku sosio a registrá, ta haña un konfirmashon dje registrashon via e-mail. (Si no haña esaki, plis wak den Junk/Spam si e por a drenta.)
- Pa por haña akseso n’e reunion sosio ku a registrá mester presentá ku identifikashon bálido, esta sea sédula, reibeweis òf pasport bálido.
REGISTRÁ PA SESHON DI ZOOM KOMO ANTESALA DI REUNION GENERAL RIBA RELATO ANUAL 2023
Pa por amplia riba e dos tópikonan di agènda di Reunion General, Nótulo i Relato Anual, tin espasio pa por partisipá n’e siguiente seshonnan di Zoom.
REGISTRÁ PA SESHONNAN DI ZOOM
Den e reunionnan aki ta presentá Nótulo i Relato Anual
Reunion General – Relato anual di aña 2023
Registrá pa Reunion General
Lugá: Sambil, Convention Center
Fecha: djadumingu, 30 di yüni 2024
Orario: 9:30 AM – 5:00 PM
REGISTRÁ PA REUNION GENERAL
Den e reunion aki ta presentá Relato Anual di aña 2023
Tene kuenta ku:
1. Registrashon ta obligatorio. Mester registrá pa partisipá.
2. Una bes ku sosio a registrá, ta haña un konfirmashon pa asistí via di meil.
3. Pa por haña akseso na e reunion sosio ku a registrá mester presentá ku identifikashon bálido, esta sea sédula, reibeweis òf pasport bálido.